Rreth Nesh
Misioni, Vizioni & Vlerat
Filozofia e qendrës frymëzohet nga mendimi kritik, dija dhe kultura e Faik Konicës — bindja se arsimi nuk është vetëm përvetësim informacioni, por formim i gjykimit të pavarur dhe i shijes intelektuale.
Misioni
Të mbështesim nxënësit, mësuesit dhe drejtuesit me programe cilësore që ndërthurin dijen akademike, orientimin praktik dhe teknologjinë.
Vizioni
Një qendër referencë në arsim, ku mendimi kritik dhe kultura e vazhdueshme e të mësuarit janë pjesë e përditshmërisë së çdo nxënësi dhe mësuesi.
Vlerat
Dija, integriteti, transparenca dhe respekti për individin — parime që udhëheqin çdo program dhe çdo marrëdhënie me komunitetin shkollor.
Historiku i aktiviteteve
Qendra e trajnimit dhe mbështetjes shkollore “Faik Konica” u themelua në vitin 2013. Veprimtaria kryesore e saj ka qenë trajnimi në fushën e zhvillimit të vazhdueshëm profesional për mësues dhe punonjës të shërbimit psiko-social.
Janë zhvilluar trajnime me mbi 18.000 mësues në të gjithë Shqipërinë, në shërbim të objektivave të qendrës dhe të “Strategjisë së zhvillimit të arsimit parauniversitar për periudhën 2014–2020”. Gjatë trajnimeve i është kushtuar rëndësi e veçantë krijimit të shprehive dhe kompetencave të reja që përmirësojnë mësimdhënien dhe ndërhyrjet edukative, zbatimit të kodit etik në çdo aspekt të veprimtarisë edukative-mësimdhënëse, si dhe hartimit të programeve konkrete për parandalimin dhe trajtimin e fenomeneve si bullizmi dhe puna me nxënësit me aftësi të kufizuara.
Sipas pyetësorëve të vlerësimit të plotësuar nga pjesëmarrësit, seancat trajnuese për mësues dhe psikologë kanë qenë efektive, dhe kërkesa për trajnime është rritur ndjeshëm krahasuar me sezonin e parë (2017–2018). Qendra ka organizuar gjithashtu një konferencë shkencore dhe një workshop me temat “Zëri i arsimit parauniversitar, arsimi i së ardhmes” dhe “Integrimi ndërlëndor, mësimdhënia inovatore”, në ambientet e Tirana International dhe Albanian University.
Alma Lama
Drejtore ekzekutive
2013
Viti i themelimit
18.000+
Të trajnuar në të gjithë Shqipërinë
Module të akredituara
Riakreditim çdo 4 vite
- ASCAP 2018–2022
- 13
- ASCAP 2022–2026
- 10
- ASCAP 2026–2030
- 5
- Për psikologët
- 11
1+
Modul i akredituar nga ASCK për punonjësit socialë
5
Qendra të reja mbështetjeje që nga viti 2020
2013
Themelimi i qendrës
Qendra u themelua me objektiv ndërhyrjen në fushën edukative dhe psiko-sociale, me përfaqësuese juridike Znj. Alma Lama dhe udhëheqëse didaktike Znj. Sonila Prroni.
2017
Akreditimi i moduleve
Në bazë të Udhëzimit Nr. 1, datë 20.01.2017, për zhvillimin e vazhdueshëm profesional të punonjësve arsimorë, qendra aplikoi me 21 module dhe MASR e ASCAP i njohën 13 module të akredituara për drejtorë shkollash, mësues, edukatorë dhe punonjës të shërbimit psiko-social.
2020
Trajnime për profesionistët e shëndetit mendor
Urdhri i Psikologut miratoi 11 module trajnimi për profesionistë të shëndetit mendor, të zhvilluara online dhe të monitoruara nga ekspertë të UP.
2020
Qendra të reja mbështetjeje shkollore
Për t'u ardhur në ndihmë prindërve gjatë pandemisë, u hapën qendra “Faik Konica” në Vlorë dhe Shkodër, si dhe në Kamëz, Shkozë dhe Yzberisht në Tiranë. Për prindërit zhvillohet gjithashtu një program vjetor seminaresh online për prindërimin pozitiv.
Sot
Trajnime për mësimdhënien online
Në bashkëpunim me “Schoolme Production and Consulting”, qendra zhvillon 5 module të miratuara nga MASR që ndërtojnë te mësuesit kompetenca digjitale në mësimdhënie.
Bashkëpunimet
Në kuadër të trajnimeve dhe projekteve sociale, qendra ka bashkëpunuar me institucione dhe organizata që kontribuojnë në arsim.
- Adra
- Sidi Education
- WDN-Albania (Women's Democracy Network)
- Shtëpia botuese “Polis”
- Shtëpia botuese “Albas”
- Njësia Administrative nr. 1, Tiranë
- Agna Group
- Schoolme Production and Consulting
- Universiteti i Tiranës – Fakulteti i Historisë dhe i Filologjisë
Stafi drejtues, trajnerët dhe ekspertët ligjorë
Alma Lama
Drejtore ekzekutive
Etleva Treska
Ekonomiste
Kejsi Konomi
Trajnere Kombëtare
Sonila Prroni
Udhëheqëse didaktike
Ilir Bodini
Trajner Kombëtar
Katerina Grabova
Trajnere Kombëtare
Laura Shuteriqi
Trajnere Kombëtare
Eliberta Ziu
Trajnere Kombëtare
Fiqiri Çifliku
Trajner Kombëtar
Majlinda Shehu
Trajner Kombëtar
Irida Hoti
Trajnere
Manushaqe Hoxha
Trajnere
Bashkëpunëtorë ndër vite
Lindita Braho
Trajnere Kombëtare
Eneida Pema
Trajnere Kombëtare
Mimoza Gjokutaj
Specialiste e didaktikës
Transparenca & Raportimi
Veprimtaria e qendrës dokumentohet dhe publikohet rregullisht. Më poshtë gjenden kategoritë e dokumenteve që vihen në dispozicion të komunitetit shkollor dhe institucioneve.
Raportet vjetore të punës
Përmbledhje e veprimtarisë së qendrës: programet e zhvilluara, numri i pjesëmarrësve dhe rezultatet e arritura gjatë vitit.
Licencat
Dokumentacioni i licencimit të qendrës për ushtrimin e veprimtarisë arsimore dhe trajnuese.
Certifikimet
Akreditimet e moduleve të trajnimit dhe certifikimet profesionale të stafit trajnues.